Allur fiskur fullunninn á Íslandi

Ég hef verið talsmaður þess í mörg ár að fullvinna allan afla á Íslandi.  Héðan á enginn fiskur að fara nema fullunninn í notendaumbúðum með raspi eða tilheyrandi.  Þetta er auðvitað ekki eitthvað sem hægt er að breyta á stuttum tíma, en með því að setja þetta í stefnumótun á að vera hægt að hrinda þessu í framkvæmd á 8 - 10 árum að mínu mati.  Núna framundan er sérstaklega hagstætt að vinna í þessu þar sem gengið er nú mun hagstæðara fyrir útflutningsgreinar og alveg fyrirsjáanlegt að þar verða ekki stórkostlegar breytingar á næstu árum, þ.e.a.s. að krónan fari nálægt þeim styrk og hún var meðan hún var sem sterkust.  Eins er það alveg ljóst að afli mun fara minnkandi á heimsvísu í framtíðinni sem á að auðvelda okkur markaðslega.  Það er okkar skylda að ná hámarksverðmætum út úr þessari undirstöðuatvinnugrein okkar íslendinga, þannig að allur afli í neytendapakkningar!

Hátt í þúsund störf flutt úr landi

Athugasemdir

[Kolbrún (IP-tala skráð) 27.1.2009 kl. 12:13]

Hvernig væri að nýta markaðshugvitið mikla sem tókst að belgja bankakerfið okkar svona út á heimsvísu í að koma fullunnum íslenskum fiskafurðum á nýja markaði? Það þyrfti bara að hafa góða reglugerð svo að fólk gleymdi sér ekki eins og gerðist í fjármálageiranum.

Hátæknimatvælavinnsla er sú atvinnugrein sem ég væri helst til í að sjá vaxa hér á Íslandi. Það er ekki endalaust af fisknum í sjónum og þessa sameiginlegum auðlind á að nota fyrir sem flesta íslendinga, en ekki bara sem veð fyrir nokkra flokkshunda.