Klúður Ármanns

Sem flokksskráður sjálfstæðismaður fékk ég eins og við var að búast einhver símtöl frá yfirleitt skemmtilegum stuðningsmönnum frambjóðenda í prófkjörinu, bara gaman af því.  Aðrir létu sér nægja að senda textaskilaboð, sem er nú ekki eins flott, en kannski gengur betur í marga sem ekki vilja fá símtölin.  En Ármann Kr. Ólafsson skaut sig algjörlega í fótinn gagnvart mér og átti ekki pláss á mínum lista, eftir að daginn fyrir kostningar, ég fékk símtal.   Þegar ég svaraði var svona símsvararödd í símanum tjáði mér að ég ætti skilaboð og að ég væri vinsamlegast beðinn um að velja "1" til að hlusta.  Ég valdi "1" og þá byrjaði að spila upptaka af Ármanni sem sjálfsagt var að segja mér afhverju ég ætti að velja hann á listann.  Skemmst er frá að segja að ég lagði á og gaf mér ekki tíma til að láta sannfærast, þar sem mér fannst þetta eins ópersónulegt og hugsast getur.  Bara það að velja þessa leið til að koma sér á framfæri finnst mér algert dómgreindarleysi af Ármanni, eða stuðningsmönnum hans.  Ég hef trú á því að ég hafi ekki verið sá eini sem fékk svona símtal og ekki heldur sá eini sem lét það fara illa í taugarnar á sér.

Bjarni sigraði í Suðvesturkjördæmi - Rósa náði 6. sæti

Athugasemdir

[Gísli Bergsveinn Ívarsson, 15.3.2009 kl. 12:25]

Hann var ekki hátt skrifaður hjá mér fyrir þetta "símtal".

Það gerði útslagið hjá mér og hann fékk ekki mitt atkvæði